Nga Elbasani, deputetët e PD-së, Ervin Salianji dhe Luçiano Boçi, së bashku me Kryetarin e degës së PD Elbasan, Aurel Bylykbashi, në një deklaratë për media, kanë denoncuar sipas tyre një ngjarje që ka ndodhur pak javë më parë, denoncuar nga qytetarë të Elbasanit.
“Bandat kërcënojnë dhe i djegin makinën dhëndrit të kryetarit të bashkisë e policia nuk bën asnjë lajmërim e fsheh ngjarjen’, tha Salianji.
Deklarata e plotë:
“Policia jo vetëm që shërben për të mbrojtur e mbuluar ngjarjen e tmerrshme kriminale e për të fshehur provat e krimit apo për të mos bërë publike ngjarjen, e njëjta situatë ka ndodhur edhe javë më parë kur bandat kërcënojnë dhe i djegin makinën dhëndrit të kryetarit të bashkisë e policia nuk bën asnjë lajmërim e fsheh ngjarjen. Situata e Elbasanit është se sot qyteti është i zaptuar nga krimi e banditët, s’mund të vijojë në këtë mënyrë. Qytetarët dhe PD do e çlirojnë si çdo qytet tjetër nga lidhjet e bandave me pushtetin kriminal pavarësisht sa prona kanë vendosur, s’do i gëzojnë dot e do u kthehen qytetarëve. Kanë lajmëruar në PD qytetarët, si institucioni më i besueshëm, kanë sjellë informacione video e audio se si dëgjohen të shtënat me armë në mes të qytetit nga makina në makinë, me armë kallashnikov e automatik dhe policia e fsheh ngjarjen në mënyrë të turpshme duke u bërë pjesë e bandave, që ne fakt është banda e pushtetit, e Qazim Sejdinit”.
