Pak çaste më parë, një shpërthim i fuqishëm është ndjerë në kryeqytet. Këtë gjë e ka bërë me dije gazetarja dhe blogerja britanike, Alice Taylor. Ajo shkruan me anë të një postimi në Twitter, se dritaret dhe dyert u drodhën. Po sipas saj, nuk bëhet fjalë për lëkundje tërmeti.
Statusi
“Çfarë ishte kjo? Një zhurmë e madhe dhe të gjitha dritaret dhe dyert u drodhën, nuk ishte tërmet”.
What was that? A huge bang and all the windows and doors shook, it wasn’t an earthquake #tirana
— Alice Taylor (@The_Balkanista) May 19, 2021
Ende nuk e dimë se çfarë ka ndodhur, dhe këtë pikëpyetje presim të na e shuajnë autoritetet në vend. Mbetemi me shpresë se nuk ka qenë diçka shqetësuese, ndonëse gazetarja ka shprehur panikun e saj.
Alice Taylor është një blogere britanike që jeton prej disa vitesh në Shqipëri. Por rasti i saj është bërë kryetemë e mediave shqiptare, pas publikimit të një statusi në mediat sociale prej saj, ku shprehej vite më parë se qeveria i kishte mohuar lejen e qëndrimit në vendin tonë.
Përpos problemeve me lejen e saj të qëndrim it, në mars 2019, Taylor u bë gjithashtu target i një fushate denigruese online, ku një mori portalesh pro-qeveritare e akuzuan atë si “spiune ruse”.
