Në fjalimin e tij drejtuar kombit dhe Commonwealth të premten pas vdekjes së “Mamasë së tij të dashur” Mbretëreshës Elizabeth II, ai foli për një dëshirë për vazhdimësi.
“Vlerat tona kanë mbetur dhe duhet të mbeten konstante”, tha ai.
Por çfarë do të thotë kjo për ish Princin e Uellsit, i cili i ka kushtuar kaq shumë nga koha dhe energjia e tij bamirësive të tij të dashura dhe çështjeve të tilla si ndryshimi i klimës?
Tani Mbreti Charles, është zotuar të mbajë “marrëdhënien dhe përgjegjësinë ndaj Kishës së Anglisë – Kishës në të cilën besimi im është aq thellë i rrënjosur”.
Në fjalën e tij u përmend edhe detyra e tij për “të mbajtur në respektin më të madh traditat, liritë dhe përgjegjësitë e çmuara të historisë sonë unike dhe të sistemit tonë të qeverisjes parlamentare”.
Charles është bërë kreu i Commonwealth, një shoqatë e 56 vendeve të pavarura dhe rreth 2.4 miliardë njerëzve. Për 14 nga këto vende, si dhe në Mbretërinë e Bashkuar, Mbreti është kreu i shtetit.
Ai do të vazhdojë angazhimin e nënës së tij ndaj këtij grupi kombesh, duke takuar udhëheqësit e Commonwealth në Pallatin Buckingham menjëherë pas hyrjes së tij në fron.
Burimi i lajmit: BBC. Përshtatur nga Tirana Today
