1484 – Lindi arkitekti italian Antonio da Sangallo i Riu, i cili projektoi Pallatin Apostolik dhe Bazilikën e Shën Pjetrit në Romë.
1654 – Shpallet bashkimi i Anglisë dhe Skocisë, në Londër, Mbretëria e Bashkuar miratohet nga Këshilli i Shtetit.
1823 – Lindi në Moskë dramaturgu Aleksandër Nikolaieviç Ostrovski, një nga përfaqësuesit kryesorë të periudhës së realizmit rus. Ai shkroi 47 drama, krijoi 728 karaktere, në dukje të ngjashme, por jo dy prej tyre të njëjtë, sipas kritikëve.
1857 – Gustave Flaubert boton romanin “Madame Bovary” në Francë, një rrëfim klasik i dashurisë dhe ndëshkimit; portret i gruas dhe tradhëtisë bashkëshortore. Një libër që bëri bujë dhe u ndalua për një periudhë.
1861 – Filloi Lufta Civile në SHBA, kur Fort Sumter (Karolinë e Jugut) u sulmua nga rebelët. Kjo luftë përfundoi më 1865, kur gjenerali i Konfederatës, Robert E. Lee u dorëzua më 9 prill. Në Luftën Civile vdiqën rreth 620.000 ushtarë amerikanë.
1894 – Nënshkruhet marrëveshja e fshehtë mes Britanisë dhe Belgjikës për ndarjen e Afrikës Qendrore.
1908 – 17 mijë persona ngelen të pastrehë si pasojë e një zjarri në qytetin e Chelsea (Çelsit), afër Bostonit, Massachusetts. Në atë kohë, në Çelsi banonte një numër relativisht i konsiderueshëm shqiptarësh.
1919 – Miratohet java 48-orëshe në punë nga Parlamenti britanik, si dhe paga minimale (paga më e ulët e lejueshme).
1931 – Monarkia refuzohet nga votuesit spanjollë, duke shkaktuar përçarje që çuan në Luftën e Madhe Civile.
1935 – Transmetohet për herë të parë në radio programi “Hit Parade” me këngët më mira.
1935 – Shkrimtarëve jo-arianë u ndalohet botimi në Gjermani.
1938 – New York kërkon për herë të parë me ligj që çiftet të kryejnë ekzaminim mjekësor para se t’u jepej leja e martesës.
1945 – Presidenti amerikan, Franklin Roosevelt, ndërron jetë në moshën 63-vjeçare. Ai u zgjodh president në nëntor të vitit 1932 dhe është presidenti i vetëm amerikan, i zgjedhur për katër mandate.
1946 – Siria fiton pavarësinë nga Franca.
1955 – Shpikja e doktorit amerikan, Jonas Salk, e cila ishte vaksina kundër poliomielitit, u shpall “e sigurt, efektive dhe e fuqishme”.
1961 – Yuri Gagarin, kozmonauti sovjetik, bëhet njeriu i parë në hapësirë dhe njeriu i parë në orbitën e tokës në një anije hapësinore.
1992 – Hap dyert për herë të parë parku “Euro Disney”, në Marne – la- Vallee, Francë.
1999 – Presidenti Klinton gjykohet si fajtor, pasi kishte gënjyer në lidhje me marrëdhënien e tij me praktikanten e Shtëpisë së Bardhë, Monika Lewinsky.
2012 – Mbi 1.5 milionë faqe të teksteve të lashta u vunë në dispozicion të publikut në internet. Njoftimi u bë nga Universiteti i Oxford-it dhe biblioteka e Vatikanit.
2013 – Zbulohet në detin e Galilesë një objekt – monument i krijuar nga dora e njeriut, prej vitit 2000 (p.e.s.). Ai ishte 10 metra i lartë, peshonte 60 tonë.
