1553 – Lindi Hugo Grotius, i cili hodhi themelet e së Drejtës Ndërkombëtare, bazuar në ligjin natyror. Ai ishte jurist holandez, filozof, teolog, dramaturg, historiograf, poet, burrë shteti dhe diplomat. Në “Mare Liberum”, botuar më 1609, Grotius formuloi parimin e ri, sipas të cilit, deti është territor ndërkombëtar dhe të gjitha kombet janë të lirë ta përdorin atë për tregti detare. Sipas kritikëve, Grotius, duke mbrojtur lirinë detare, përpiqej të arsyetonte politikën holandeze për shpërbërjen e monopoleve të ndryshme tregtare dhe, që, më pas, Holanda të krijonte monopolin e vet.
1821 – Osmanët varin në litar Patriarkun Gregori V i Kostandinopojës, në portën kryesore të Patriarkanës, ndërsa trupi i tij u hodh në Bosfor. Në fillim të Luftës greke të Pavarësisë, Gregori V u fajësua nga Sulltan Mahmudi II për paaftësi për të bindur grekët të hiqnin dorë nga kryengritja. Ky ekzekutim i Gregorit V, sidomos të dielën, në ditën e Pashkëve, tronditi dhe zemëroi grekët, si dhe shkaktoi protesta në Evropë, duke nxitur lëvizjen filohelene.
1826 – 10.500 banorët e Mesolongit lënë qytetin, pas rrethimit për një vit nga forcat osmane, ndërsa shumë pak prej tyre mbijetuan.
1858 – “Big Ben”, këmbana 13.76 tonëshe, e riderdhur, u vendos në Kullën e Westminsterit në Londër.
1864 – Arqiduka Maximilian i Habsburgëve shpallet perandor i Meksikës, gjatë ndërhyrjes franceze në këtë vend.
1869 – Jose Marti themelon Partinë Revolucionare kubane.
1919 – Udhëheqësi i Revolucionit meksikan, Emiliano Zapata, vritet pabesisht në pritë nga forcat qeveritare në Morelos.
1941 – Lufta e Dytë Botërore: Fuqitë e Boshtit në Evropë krijojnë Shtetin e Kroacisë, të pavarur nga Jugosllavia e pushtuar, duke vendosur në pushtet ustashët fashistë të Ante Paveliçit.
1961 – Në Izrael zhvillohet gjyqi ndaj nazistit Adolf Eichmann për krime lufte. Në maj 1960, agjentët e Shërbimit të Sigurimit izraelit e rrëmbyen Eichmannin, në Argjentinë, dhe e çuan në Jeruzalem për gjykim, ku ai dëshmoi pas një mburoje prej antiplumbi. Çështja Eichmann ngjalli interes ndërkombëtar, duke vendosur mizoritë naziste në krye të lajmeve botërore. Eichmann u shpall fajtor dhe u dënua me vdekje. Më 1 qershor 1962, Eichmann, u ekzekutua me varje. Trupi i tij u dogj dhe hiri u përhap në det, përtej ujërave territoriale të Izraelit. Ekzekutimi i Adolf Eichmann mbetet i vetmi rast, që Izraeli ka miratuar një dënim me vdekje.
2010 – Aeroplani i forcës ajrore polake Tu – 154 M, rrëzohet pranë Smolenskut, Rusi, duke vrarë 96 njerëz në bord, përfshi edhe presidentin polak, Lech Kaczyński, dhe dhjetëra zyrtarë të tjerë të lartëtë Polonisë.
