711 – Pushtimi islam i Gadishullit Iberik. Ky territor, nën emrin arab Al-Andalus, u bë Emirat dhe pastaj Kalifat i Kordovës për disa qindra vjet. Gradualisht të krishterët filluan ripushtimin e Andaluzisë dhe e morën atë plotësisht më 1492, kur Granada, mbretëria e fundit e el- Andalusit ra nën monarkët katolikë.
1492 – Spanja shpall se do të përjashtojë të gjithë hebrenjtë nga vendi. Shumë vende të Evropës, veçanërisht jugu i Italisë, Sicili e Napoli dërguan anijet e veta për të transportuar hebrenjtë e Spanjës, duke i ndihmuar ata me të holla dhe strehim. Një pjesë e hebrenjve shkoi nëpërmjet detit në Turqi.
1803 – SHBA dyfishon territorin përmes blerjes së Luizianës, me 15-milionë dollarë. Po këtë ditë më 1812, Luiziana pranohet si shtet 18-të i SHBA-së.
1808 – Prodhohet makina e parë e shkrimit, nga italiani Pellegrino Turri.
1945 – Adolf Hitler dhe e dashura e tij, Eva Braun, martohen në bunkerin qeveritar në Berlin dhe pastaj kryejnë vetëvrasje.
I paralajmëruar nga vartësit e tij se rusët ishin vetëm një ditë larg nga pushtimi i bunkerit, ata e nxitën që ai të largohej për në Berchtesgarden, një qytet i vogël në alpet e Bavarisë, ku Hitleri kishte një shtëpi, por ai zgjodhi vetëvrasjen në vend të arratiset. Sipas të dhënave besohet se ai dhe e shoqja, të dy kanë pirë kapsula helmuese, të cilat kanë qenë provuar më parë në qenin e tyre të “dashur”. Për siguri ai ka qëlluar dhe veten me pistoletën e shërbimit.
Trupat e Hitlerit dhe të Evës u dogjën në oborrin e bunkerit nga të mbijetuarit (siç ai kishte urdhëruar) dhe më vonë u gjetën pjesë të tyre nga rusët. Një gjykatë gjermane deklaroi vdekjen e tij vetëm më 1956.
1955 – Shpallet Element 101, Mendelevium – një element sintetik radioaktiv me simbolin e shenjës së Md dhe numrin atomik 101.
1975 – Saigoni dhe i gjithë Vietnami ra në duart e komunizmit, duke shënuar fundin jozyrtar të Luftës së Vietnamit.
1991 – Mbi 131,000 vetë u vranë dhe deri në 9 milion mbetën pa strehë, kur një ciklon goditi Bangladeshin.
1995 – Presidenti amerikan, Bill Clinton, u bë presidenti i parë amerikan, i cili vizitoi Irlandën e Veriut.
2011 – Vdes Ernesto Sabato, shkrimtar argjentinas me prejardhje arbëreshe.
