1469 – Lindi Niccolo Machiavelli në Firence, Itali. Machiavelli ishte politikan, diplomat, shkrimtar i njohur për librin “Princi”, libër xhepi për politikanë të paskrupullt, dinakë e të pabesë. Sipas tij, “metoda bazë për vlerësimin e inteligjencës së një udhëheqësi është duke parë se çfarë njerëzish mban rreth vetes”. Përveç Princit, Machiavelli shkroi traktatin për Artin e Luftës, si dhe poezi e drama. Vitet e fundit të jetës, Machiavelli i kaloi i vetmuar në një fshat të vogël larg qytetit; vdiq më 1527, u varros në kishën Santa Croce, Firence, ku ironikisht i ishte ndaluar hyrja sa ishte gjallë.
1494 – Kristofor Kolombi zbulon Xhamajkën.
1621 – Filozofi Francis Bacon akuzohet për mitmarrje. Lindur më 22 janar 1561 në Londër, Angli, Bacon kishte shërbyer në poste të larta si këshilltar ligjor e jurist në oborrin mbretëror dhe anëtar parlamenti. Disa burime thonë se akuzat ndaj tij ishin të rreme, ose ai nuk i kundërshtoi për të mbrojtur Dukën e Bukinghamit nga sulmet publike. Kështu, Bakon u dënua me gjobë të lartë, dhe burg. Shpejt, dënimi iu ul, qëndroi në burg vetëm 4 ditë, aq sa u deshën për të lënduar shpirtin e tij dhe rrënuar shëndetin 60-vjeçar nga ky skandal.
1865 – Treni i funeralit të presidentit Abraham Linkoln mbërrin në Springfield, Illinois.
1938 – Vatikani njeh qeverinë spanjolle të Francisko Frankos.
1979 – Margaret Thatcher zgjidhet kryeministre e Anglisë – e para grua në këtë pozitë që nga viti 1721, kur posti i kryeministrit u krijua në Britani.
