1787 – Kushtetuta e Shteteve të Bashkuara u nënshkrua nga delegatë të 12 shteteve në Konventën në Filadelfia të Pensilvanisë. Kushtetuta amerikane është Kushtetuta më e vjetër në botë ende në veprim.
1884 – Një gjykatës në Okland të Kalifornisë vendos një rekord të ri, duke zgjidhur 13 çështje kriminale brenda 6 minutave.
1934 – Shqipëria dhe Bashkimi Sovjetik shkëmbejnë nota diplomatike dhe vendosin lidhje në nivel konsullor. Mbreti Zog e pa këtë kontakt të ri me Moskën si hapje të mundshme të një rruge për të dalë nga vështirësitë financiare, tani që marrëdhëniet me Italinë ishin tensionuar dhe marrja e ndonjë huaje nga Roma dukej e pashpresë. Ky hap i Mbretit Zog, pa dashje, do t’i hapte udhën edhe shtimit të hyrjes së literaturës komuniste në vend.
1983 – Vanessa Williams, Miss New York, u kurorëzua Miss Amerika. Williams ishte gruaja e parë zezake në historinë 62-vjeçare të konkursit Miss Amerika që fitonte këtë titull.
Williams e dorëzoi kurorën kur disa foto që e tregonin atë lakuriq u botuan në revistën Penthouse. Gjithsesi, Vanessa Williams vazhdoi të gëzojë popullaritet si këngëtare dhe aktore.
