Konsumimi i kafesë është gjëja e parë që shumë prej nesh bëjnë në mëngjes, megjithatë duket se ekziston diçka tjetër që ka thuajse të njëjtin efekt, pra mund të na nxjerrë gjumin lehtësisht.
Bëhet fjalë pikërisht për një frut: për mollën. Një filxhan kafe përmban rreth 100 miligramë kafeinë dhe nuk përmban kalori apo yndyrë.
Kafeina vepron si stimulues për sistemin nervor qendror dhe përshpejton qarkullimin tuaj të gjakut dhe aktivitetin e trurit, por ka edhe efektet e veta anësore.
Ndërkohë, mollët nuk përmbajnë kafeinë, por vetëm fruktozë, sheqer natyral. Fruktoza shkakton lëvizjen e gjakut dhe nxit aktivitetin e trurit, duke jua nxjerrë gjumin.
Gjithashtu, mollët përmbajnë vitamina dhe antioksidantë që janë të dobishëm për shëndetin tuaj.
Secila ka veçantinë e saj: kafeja të jep ndjesinë e ngrohtësisë, ndërsa kafshimi i mollës krijon atë “zhurmën” që zor të përsëritet me një tjetër ushqim.
Mbase mollët nuk e zëvendësojnë 100% kafenë, por janë një alternativë shumë më e shëndetshme për t’u konsumuar në mëngjes.
