1291 – Fisnikët skocezë njohin autoritetin e mbretit Edward të Anglisë.
1497 – Amerigo Vespucci, eksplorues italian, niset për lundrim e tij të parë në Botën e Re.
1503 – Kristofor Kolombi zbulon Ishujt Kajman.
1570 – Cari i parë i gjithë Rusisë, Ivan IV, ose siç njihej ndryshe Ivani i Tmerrshëm, bëhet protestant, ndoshta për arsye se bibla tashmë jo latine mund të lexohej në gjuhën ruse. Gjatë mbretërimit të tij (1533-1584), Ivani IV zgjeroi jashtëzakonisht territoret ruse me mjete të pamëshirshme, duke krijuar një qeveri të kontrolluar rreptësisht nga qendra. Por gjatë kësaj kohe, mbretëria e tij ra në kaos, ndërsa familje fisnike rivale kontestuan legjitimitetin e sundimit të tij. Për shkak të përgjigjes së ashpër ndaj kësaj sfide, Ivani fitoi epitetin “i tmerrshëm”, më shumë se çdo gjë tjetër ai urrente fisnikët.
1872 – Victoria Woodhull bëhet gruaja e parë e emëruar për presidente e SHBA-së nga shoqata për të drejtën e grave për të votuar. Në 1870, Woodhull krijoi të përjavshmen Claflin, një botim radikal, ku ajo shprehur idetë e saj mbi një sërë temash shoqërore. Revista botoi edhe përkthimin e parë në gjuhën angleze të Manifestit Komunist të Karl Marksit.
1927 – Hoteli Statler në Boston, Masaçusets, instalon kufje dëgjimi në 1300 dhomat e hotelit. Ishte hera e parë që një hotel ofronte transmetime radiofonike për klientët e vet.
1933 – Adolf Hitler ndërmerr djegien masive të librave në mbarë Gjermaninë. Librat e parë ishin të autorëve me prejardhje hebraike.
1940- Winston Churchill emërohet kryeministër. Ai u thirr të drejtonte qeverinë britanike pas humbjes së votëbesimit në Parlament nga kryeministri Neville Chamberlain.
1945 – Trupat sovjetike hyjnë në Pragë, kryeqyteti i fundit evropian nën pushtimin nazist i çliruar në fund të luftës së dytë botërore.
1994 – Nelson Mandela bën betimin si president i parë zezak i Afrikës së Jugut. Në fjalimin e tij të inaugurimit, Mandela, që kishte bërë 27 vjet burg si i burgosur politik, deklaroi: “Kam ecur në këtë rrugë të gjatë të lirisë. Kam provuar të ndalem; Kam bërë edhe hapa të gabuar. Por kam zbuluar sekretin se pas ngjitjes së një kodre, ka kodra të tjera. Jam ulur një minutë për parë nga kam ardhur. Por mund ta bëj këtë vetëm për një moment sepse me lirinë vijnë përgjegjësitë dhe nuk guxoj të pushoj gjatë, pasi udhëtimi nuk ka mbaruar… Nuk jam shenjtor, nëse nuk mendoni se shenjtori është mëkatar, i cili vetëm përpiqet.”
2005 – Një granatë dore hidhet mes turmës së mbledhur për të dëgjuar presidenti amerikan Xhorxh W. Bush, në Tbilis, Gjeorgji. Vladimir Arutyunian nga Gjeorgjia u përpoq të vriste presidentin, por përpjekja dështoi, pasi granata (prodhim i vjetër sovjetik) qëlloi defektoze. Vladimiri u kap dhe u dënua me burgim të përjetshëm.
