Briken Calja është peshëngritësi që ka ngritur në majë flamurin shqiptarë, pasi në Evropianin e zhvilluar në Bukuresht të Rumanisë u shpall kampion i trefishtë, dhe të tre medaljet ishin të arta. Calja nuk është ka pasur respektin e merituar nga vendi i tij pasi u shpall kampion, pasi nuk u prit edhe i tillë në kthim. Ishte Presidenti i Shqipërisë , Ilir Meta,i cili e priti në një takim kampionin e trefishtë.
Ndërsa tani është Bashkia Cërrik ajo që ka nderuar kampionin Calja, duke e shpallur “Qytetarë Nderi”. Ka qenë kryetari Altin Toska që i ka dhuruar dekoratën kampionit Europian. Pas marrjes së këtij nderimi, ai ka bërë një postim në “Facebook” ku falënderon të gjithë ata që kanë kontribuar në suksesin e tij.
Ja postimi i plotë i Briken Caljas:
Rrugë e gjatë e mbushur me fitore e humbje, ngritje e ulje, gëzim e lot por në të gjitha rastet plot besim dhe vullnet. Unë jam këtu sepse besova, besova te puna dhe vullneti i mirë për të lartësuar emrin dhe vendin që përfaqësoj.
Në momentin që besimi dhe vullneti takohen bashkë njeriu është i pamposhtur dhe ëndrrat janë kurdoherë të prekshme dhe të realizueshme. Nuk do të kisha arritur këtu pa mbështetjen maksimale të familjes sime të cilët i falenderoj pamasë.
Një falenderim i veçantë shkon për stafin tin i cili ka bërë dhe po bën një punë të shkëlqyer. Falenderim dhe mirënjohje me të gjithë personat që këtë vite më kanë mbështetur e punuar. Nga zemra gjej mirënjohje për Çufo dhe Mojo për mbështetjen.
Bashkisë Cërrik dhe kryetarit të saj Z.Altin Toska i jam mirënjohës dhe falenderues për vlerësimin e pamasë për këtë çmim kaq special. Nga zemra ju falenderoj pafund për mbështetjen!
