Çelet sot në Pallatin e Rinisë dhe Sporteve në Prishtinë eventi letrar, i kthyer tashmë në traditë, Panairi i Librit 2017.
Pasditen e së hënës kanë përfunduar përgatitjet teknike sa i përket hapësirës, e cila për gjashtë ditë pritet të jetë mikpritëse e rreth 40 mijë vizitorëve.
Në panair marrin pjesë shtëpi botuese nga mbarë hapësirat shqiptare. Organizatorët e kësaj ngjarjeje kanë thënë se mbi një mijë tituj të rinj do të prezantohen në këtë edicionin e 19-të të Panairit.
