Fitore e vështirë e Realit të Madridit në transfertë me Deportivo Alaves, skuadër që tashmë do të drejtohet nga Gianni De Biasi, që për shkak të kohës së pamjaftueshme për të zhvilluar qoftë një seancë stërvitore nuk ishte në stol në këtë sfidë. Los Blancos triumfuan 1-2 ndaj një skuadre që shënoi golin e parë sezonal, gjeti shtyllën dhe traversën por jo pikët që do t’i vlenin shumë pas 5 humbjeve radhazi.
Heroi i Realit ishte Daniel Ceballos, që ia shpërbleu me një dygolësh besimin trajnerit Zinedine Zidane. 21-vjecari i blerë në verë për 18 milionë Euro nga Betis Sevilla, gjeti mundësinë për të goditur në minutën e 10-të, duke e lënë të palëvizur portierin Pacheco. Rafael Varane dhe Cristiano Ronaldo ishin shumë pranë golit të dytë në dy raste të njëpasnjëshme pas gjysmë ore lojë, për të ardhur më pas te finalizimi me kokë i Manu Garcias, që ktheu baraspeshën në rezultat.
Shfaqet sërish me instiktin e golashënuesit Daniel Ceballos vetëm 3 minuta më vonë me një goditje të zgjuar thuajse nga vija e 16 metrave. Në pjesën e dytë pikërisht në të 63-tën, Cristiano Ronaldo tentoi me një gjuajtje të bukur prirët me portën, por u ndal nga shtylla. I pafat edhe Alfonso i Alaves, finalizimi i të cilit përfundoi në traversë, në të 70-ën. Sulmuesi 21-vjeçar, i huazuar te Alaves nga Villareali, u bë gati të festonte në të 76-ën, por edhe në këtë rast u ndal nga shtylla. Kjo përballje u mbyll me një diagolane të Marco Asensios, që përfundoi jashtë me shtyllën.
https://www.youtube.com/watch?v=RkSFcqI9a-8&ab_channel=Football-Show
