Ministri i Brendshëm i Kosovës Bejtush Gashi ka shpjeguar rastin e Dëshmitarit X, Albert Veliu i njohur ndryshe si Babale, i cili denoncoi edhe vëllain e ministrit Xhafaj si drejtues të trafikut të drogës në qytetin e Vlorës.
“Jemi duke kryer të gjitha procedurat pas kërkesës së bërë nga Albert Veliu, i njohur si Dëshmitari X”, është shprehur ministri i Brendshëm i Kosovës, Bejtush Gashi.
Ndërsa ka deklaruar sot se dëshmitari ka kërkuar azil politik në Kosovë, duke shtuar se “Kosova është e detyruar të zbatojë Konventën Ndërkombëtare”.
Këtë deklaratë Gashi e bëri sot teksa ishte për një vizite në pikën kufitare në Morinë dhe Shishtavec, i shoqëruar edhe nga ambasadori i Shqipërisë, Qemal Minxhozi.
