Antonio Cassano di të dhurojë show sa herë që flet. Së fundmi, nëpërmjet Instagram, ish-sulmuesi ka kujtuar kohën kur ishte pjesë e Real Madrid. Në atë kohë, pjesë e madrilenëve ishin yje në të gjithë repartet, ndërsa barezi kujton Ronaldon, Van Nistelrooy dhe Beckham teksa nuk nguron të bëjë shaka me britanikun.
“David Beckham ishte një lojtar i madh, por mbi të gjitha një lojtar i jashtëzakonshëm. Ai ishte një “rockstar”, i njohur në të gjithë botën. Megjithatë, qëndronte i përulur.
Unë, edhe për pak, isha më i bukur se ai. Van Nistelrooy? Ishte një nga sulmuesit më të fortë të momentit, por te Real Madrid ishte Ronaldo, “Fenomeni”. Ai ishte diçka jashtë kësaj bote”, u shpreh Cassano.
