Industria Call Center është shndërruar në një burim të rëndësishëm të ardhurash për ekonominë kombëtare.
Vitin e kaluar, eksportet e shërbimeve të tjera i sollën ekonomisë shqiptare 388 milionë euro, shumica e të cilave vijnë nga shërbimet e marketingut dhe kujdesi ndaj klientit.
Kjo industri është zgjeruar me ritme të shpejta në vitet e fundit, ndërsa në 2016-ën, të ardhurat e faturuara nga këto kompani u rritën me 40 për qind.
Por, rritja e shpejtë e kësaj industrie tashmë është vënë në pikëpyetje, pasi vitin e kaluar Italia miratoi një ligj që synon rikthimin e kompanive Call Center të emigruara në vendet jashtë BE-së, një masë që godet veçanërisht Shqipërinë, shkruan TCH.
Por, pavarësisht ligjit italian, këshilli i investimeve parashikon se industria e Call Center-ave në Shqipëri do të vazhdojë të rritet, duke u orientuar drejt tregjeve të reja, si: Shtetet e Bashkuara të Amerikës, Kanadaja, Gjermania apo edhe Britania.
