Mikel Edmond Shallari, 24 vjeç, nga Kuçova, është vrasësi i dyshuar i ish-komisarit të Policisë, Artan Cuku, 8 prillin e këtij vitit në Tiranë.
Lajmi u konfirmua nga vet Drejtori i Përgjithshëm i Policisë së Shtetit, Haki Çako, me anë të një deklarate për mediet.
Ndërsa prokurori i çështjes, Henrik Ligori tha se është Shallari ai që ka shkrepur këmbëzën, por nuk dihet kush është ideatori. Gjithashtu u bë e ditur se në kërkim janë edhe dy bashkëpunëtorët e Shallarit në kryerjen ne krimit.
Çako tha se ndalimi i Shallarit është i bazuar mbi fakte e prova shkencore dhe se do të kryhet një hetim i plotë i ngjarjes.
