Çaji i zi është shumë më i shëndetshëm se çajrat e tjerë. Kështu, ai është i rekomandueshëm për shkak se lufton disa sëmundje, si:
Parandalon kancerin:
Antioksidantët si polifenolet, që gjenden te çaji i zi ndihmojnë në parandalimin e formimit të qelizave kancerogjene, duke reduktuar në këtë formë rrezikun e shfaqjes së kancerit të zorrës së trashë, prostatës, ovarian, të mushkërisë ose të fshikzës. Çaji i zi parandalon rritjen apo formimin e tumoreve malinje.
Çaji i zi kundër diabetit:
Përbërësit natyralë të çajit luftojnë sheqernat në gjak dhe i shpërbëjnë ato. Ulja e sheqerit në gjak lufton diabetin tip -2. Madje studimi vërtetoi se, edhe nëse i shtoni qumësht çajit tuaj, efekti mbi diabetin do të jetë i njëjtë. Por, nga të gjithë çajrat, më i preferuari për luftimin e diabetit është çaji i zi. Çaji i zi ul ndjeshëm nivelin e glukozës në gjak.
Çaji mbron kockat:
Personat që nuk pinë çaj kanë kocka më të dobëta se ata që pinë. Kështu, sipas një studimi, personat që kanë pirë çaj për 10 vjet ose më shumë, kanë kocka më të forta, pavarësisht moshës, peshës, ushtrimeve fizike apo edhe pirjes së duhanit.
