Ish-ministri i Brendshëm Saimir Tahiri doli para medias paraditen e sotme. Ai tha se ka fituar betejën e parë me drejtësinë.
Prokuroria e Antimafias Italiane dhe Prokurori i Përgjithshëm i Republikës në Itali, në përfundim të të gjitha hetimeve, i kërkuan Gjykatës Italiane pushimin e hetimeve për Saimir Tahirin sepse nuk ka asnjë lloj përfshirje në asnjë aktivitet të paligjshëm.
Duke filluar nga politikanët e deri tek ambasadorit ish ministri i akuzoi se kanë gënjyer për të.
Duke filluar Lulzim Basha e deri tek Monila Kruyemadhi dhe të tjerë politikanë që e kanë akuzuar ai u shpreh:
“Lulzim Basha kërkonte arrestimin tim, sepse Saimir Tahiri është marr me trafik droge e këtë nuk e thotë opozita, por antimafia Italiane.
Monika Kryemadhi, e kryemdhenjt e saj bënin të njëjtën gjë.
E jo vetëm këta. Por një orkestër e tërë që ndanin interesa politike e jo vetëm, u bënë bashkë ca të nënës e ca të njerkës, bilbila e kopila, se Saimir Tahiri duhej në burg. Dhe se nuk e thonin këta, por antimafia Italiane”./TIRANA TODAY/
