Pas letrës së Partisë Socialiste dhe Lëvizjes Socialiste për Integrim, drejtuar Komisionit Qendror të Zgjedhjeve për shtyrje të afatit të regjistrimit të koalicioneve, ka reaguar edhe Partia Demokratike, përmes deputetit të saj Oerd Bylykbashi.
Ky i fundit thekson se me këtë veprim Rama dhe Meta po hedhin në erë Kodin Zgjedhor, i ndërtuar me mundin e të gjithë ekspertëve ligjorë të forcave politike në vend.
“Këta duan ta bëjnë Kodin Zgjedhor si atë paçavuren që bënë për “vetingun” ku nuk lanë procedurë e afat pa bërë çorap, aq sa nuk merret vesh më llumi që kane sajuar. Lodhu 10 vjet ne duke përmirësuar Kodin me konsensus, lodhu ODIHR duke rekomanduar të qartësojmë afatet. Të del Rama me Metën, e me një shkresë me dy firma, hedhin në erë një Kod me 84 vota”, shkruan Bylykbashi në Facebook.
Bylykbashki shton se KQZ-ja nuk mund ta ndryshojë dot ligjin dhe afatet e saj, edhe nëse votohet me 7 vota unanime.
