Deputeti i Partisë Demokratike, Oerd Bylykbashi, me anë të një statusi në Facebook, është shprehur se dhe 40 ditë na ndajnë nga largimi i kësaj qeverie. Sipas tij pas datës 19 Maj, qeveria e Edi Ramës nuk ka mundësi që të miratojë ligje në Parlament.
Statusi i plotë
Teknikisht i mbaruar!
Sado të ngrefoset se dikur paska patur 1 milion vota, me pak fjalë, shumë shpejt qeveria e Edi Ramës teknikisht kthehet në qeveri “teknike”, por jo e besueshme.
Që pas asaj date, qeveria e Edi Ramës nuk miraton dot më ligje në parlament, por vetëm mbledh taksa dhe duhet të paguajë për spitalet, shkollat, policinë, ushtrinë, rrogat, pensionet. Në fakt vetëm do vjedhë si deri më sot taksat, ilaçe nuk do ketë, policia do vazhdojë të jetë palë me drogën, pagat do mbeten po ato, ndërsa shkollat së shpejti mbyllen.Dhe ajo që është më e sigurta, do të vjedhë votat që të vazhdojë edhe 4 vjet.
Më mirë një qeveri teknike që e besojnë shqiptarët dhe që organizon zgjedhje të lira e të ndershme, sesa një qeveri e tillë “teknike” si kjo e Ramës që nuk i duhet as dreqit, e jo më shqiptarëve!
