Ministrja e Arsimit, Lindita Nikolla ka prezantuar buxhetin për arsimin, i cili parashikon rritjen e pagës së mësuesve me 7%.
Nikolla u shpreh se, projekti pilot “bëjmë detyrat e shtëpisë”, që mundëson që pasdite nxënësi të kryejë detyrat e shtëpisë brenda mjediseve të shkollës, do të shtrihet në 90 shkolla. Sipas saj, në këtë mënyrë, prindërve do u hiqet një barrë.
Po ashtu, ministrja tha se për vitin e ardhshëm do të ketë rreth 1.000 ndihmës mësues në shkollat në vend, për fëmijët me aftësi ndryshe. Ndërsa, premtoi dhjetëfishimin e oficerëve të sigurisë në shkolla për 2019-ën.
I pranishëm në këtë aktivitet ishte edhe kryeministri Rama, i cili saktësoi se mbi 10 milionë dollarë do të shkojnë për rritjen e pagave të të gjithë punonjësve në arsimin parauniversitar. “Deri në fund të mandatit duam t’i rrisin më shumë pagat e mësuesve”, tha Rama.
Duke u ndaluar te shpërndarja e librave falas, kreu i qeverisë tha se deri në fund të mandatit synohet që të ndahen libra falas nga klasa e parë deri në të nëntën.
“Do fillojmë me financimin e kurseve të anglishtes flas për studentët, do fillojmë më hapa të vegjël, por do është një mundësi e mirë për studentët. Do vazhdojmë të mbyllim klasat kolektive. Ata që i lanë le të vënë kujën e të thonë që mbyllëm shkolla. Jo, ne po mbyllim klasa përqendrimi si kampe përqendrimi për fëmijët e vegjël. Ata që dalin nga klasat kolektive, e kanë të mbyllur derën e të ardhmes që meritojnë”.
