Lidhja e Butrint Imerit dhe Kiara Titos ka qenë padyshim një nga lidhjet më të komentuara të këtij viti, edhe për faktin se dyshja nuk e pranuan asnjëherë se ishin bashkë, pavarësisht fotove të shkrepura nga paparacët. Pak kohë më parë qarkulloi me shpejtësi edhe lajmi se Butrinti dhe Kiara i kanë dhënë fund lidhjes.
Duket se Butrinti e ka harruar lehtë moderatoren, pasi siç po përflitet ai ka nisur një lidhje të re. Mediat shkruajnë se këngëtari pas të cilit vajzat çmenden është në një lidhje me Dhurata Dorën.
Aludimet kanë nisur nga fakti që Butrinti i ka komentuar Dhuratës në një prej fotove të saj ndërsa ajo i ka shprehur dashurinë me zemra. Megjithatë gjithçka mbetet aludim për sa kohë dyshja nuk kanë konfirmuar një gjë të tillë.
