Pas vendimit të KE për shtyrjen e negociatave të Shqipërisë me BE për një vit, ministri i Jashtëm Ditmir Bushati ka dalë në një konferencë për shtyp.
Kryediplomati shqiptari deklaroi se vendimi në fjalë është përgjigje pozitive për bisedimet për anëtarësim të Shqipërisë. Sipas Bushatit, KE skicoi qartë rrugën drejt bisedimeve, ndërsa theksoi se në qershor të vitit që vjen negociatat do të hapen pa kushte.
“Këshilli dhe ministrat e vendeve anëtare vendosën t’i përgjigjen pozitivisht hapjes së negociatave për anëtarësim për Shqipërinë dhe Maqedoninë e Veriut. Këshilli ka përcaktuar një afat kohor qershorin e 2019-ën për fillimin e bisedimeve për anëtarësim. Kjo është një politikë e njohur për BE, i cili edhe në rastin e Serbisë dhe Malit të Zi ka përcaktuar një afat kohor, brenda të cilës ndodhi puna përgatitore. Komsioneri Hahn është shprehur qartë pas këtij Këshilli dhe Presidenca e BE në këtë proces. Ndaj ne besojmë se Shqipëria është në rrugën e pakthyeshme drejt procesit të anëtarësimit në BE”, tha Bushati.
