Menjëherë, pasi kryetari i PD-së, Lulzim Basha, akuzoi ndërkombëtarët se janë autorë të një komploti mafioz sa i përket vettingut për t’i dhënë në dorë drejtësinë, Edi Ramës, reagoi ministri i Jashtëm shqiptar, Ditmir Bushati.
Bushati, tha se çdo ambasador i akredituar në Shqipëri e ka raportin me vendin apo organizatën që përfaqëson.
Po ashtu, ai u shpreh se SHBA dhe BE nuk influencohen nga politikanët shqiptarë.
“E di mirë që çdo ambasador i akredituar e ka raportin me vendin apo organizatën që përfaqëson. Nuk besoj në teori konspirative dhe nuk besoj që SHBA apo BE të influencohen nga politikanë shqiptarë. Është thjesht një përpjekje e dëshpëruar për t’i bërë bisht një procesi të rëndësishëm për vitet e ardhshme. Gjithçka nis e mbaron te reforma në drejtësi, ndërsa zgjedhjet janë një detyrim kushtetues, jo ne dorën e partive politike. Partitë janë thjesht instrument për vullnetin e qytetarëve. 18 qershori është një detyrim kushtetues” – tha Bushati
