Ditmir Bushati i ka lënë detyrën Edi Ramës si Ministër i Jashtëm. Kryeministri Rama i është drejtuar paradites së sotme zyrës së Ministrit të Jashtëm, ku është pritur nga Bushati.
Dje, pas leximit të formulës dhe vendojes së dorës mbi kushtetutë, Rama mori nga kreu i shtetit dekretin për detyrën e re. Zyra e Presidentit të Republikës nënvizoi në njoftimin e saj se Meta i uroi Ramës suksese në këtë detyrë shumë të rëndësishme. Marrja e detyrës së ministrit të Jashtëm nga Edi Rama erdhi pas refuzimit të presidentit, për të dekretuar Gent Cakajn në krye të diplomacisë.
Në ceremoni ishte i pranishëm edhe Kryetari i Grupit Parlamentar të Partisë Socialiste, Taulant Balla, si dhe anëtarë të Kabinetit të Presidentit të Republikës. E gjithë ceremonia e betimit në Presidencë zgjati vetëm pak minuta.
