Portieri i Borussia Dortmund, Roman Burki, ka rrëfyer momentet e frikshme të shpërthimit që ndodhi dje.
Shpërthimi ndodhi gjatë transportit të skuadrës së Dortmundit, ndërsa i plagosur mbeti mbrojtësi, Marc Batra. Ky i fundit u lëndua nga thyerja e xhamit të autobusit.
Ndeshja, më pas, u shty për të mërkurën, pas një konsultimi me UEFA-n dhe autoritetet lokale.
Burki, i cili ishte ulur pranë Bartra-s, pranoi se pësoi shok kur ndodhi incidenti dhe vlerësoi reagimin e shpejtë të policisë.
“Ne u larguam nga hoteli në 7:15 (me orën lokale). Autobusi u kthye në rrugët kryesore, kur ndodhi një shpërthim i madh. Unë isha ulur pranë Marc Bartra-s, i cili u godit nga xhamat e thyer. Pas zhurmës, ne të gjithë u ulëm poshtë, ndërsa të tjerë u shtrinë në dysheme. Nuk e dinim se çfarë po ndodhte. Ishim të gjithë të shokuar, askush nuk mendonte për ndeshjen e futbollit në ato çaste”, tha Burki.
Policia tha se nuk janë të qartë se çfarë e ka shkaktuar shpërthimin, ndërsa po heton për zbardhjen e ngjarjes./ Tirana Today
