Tashmë burgjet e Shqipërisë do të kenë drejtorë të rinj, të cilat janë përzgjedhur me konkurs. Ministria e Drejtësisë ka publikuar 24 drejtorët të cilët do të marrin drejtimin e institucioneve të burgjeve.
Në kuadër të Reformës në Drejtësi, drejtorët e rinj do të përballen me sfida të reja menaxhuese, ndërsa fluksi i arrestimeve siç është parashikuar nga Ministria e Brendshme do të rritet në muajt në vijim.
Vetëm në muajin shkurt në kuadër të zbatimit “Forca e Ligjit” pritet të arrestohen shumë grupe kriminale dhe të sekuestrohen astetet dhe pasuritë e tyre.
Lista e emrave dhe burgjet që do të drejtojnë drejtorët e rinj
Drejtor i burgut Fushë Krujë – Agron Hysi
Drejtor i burgut Sarandë – Nasip Hoxha
Drejtor i burgut Vlorë – Ilir Aliaj
Drejtor i burgut Tepelenë – Redi Rama
Drejtor i burgut Shkodër – Gezim Selimi
Drejtor i burgut Rrogozhinë – Ibrahim Bejo
Drejtor i burgut Peqin – Emin Shpata
Drejtor i burgut Lushnjë – Judmir Shurdhi
Drejtore e burgut Tropojë – Flutura Vatoci
Drejtor i burgut Kukës – Seit Vucaj
Drejtor i burgut Korçë – Novruz Hoxha
Drejtor i burgut Lezhë – Shaban Hysa
Drejtor i burgut Fier – Arjan Hasani
Drejtor i burgut Elbasan – Andis Salla
Drejtor i burgut Burrel – Fatjon Kurti
Drejtor i burgut Berat – Hikmet Kellici
Drejtor i burgut Krujë – Abaz Lleshi
Drejtor i burgut Durrës – Qazim Hoxha
Drejtore e burgut “A.Demi” – Elona Demollari
Drejtor i burgut “J.Misja” – Maksim Hamiti
Drejtor i burgut “M.Peza” – Mithat Shimaj
Drejtor i burgut Kavajë – Njazi Deliu
Drejtor i burgut Vaqar – Petrit Myslymi
Drejtor i burgut Spitali Burgjeve – Apostol Luca.
Tashmë lëvizjet e fundit si në prokuroritë e rretheve, procesi i vettingut në polici, reformat e ndërmarra dhe denoncimet e grupeve kriminale, po sjellin një realitet ndryshe nga ai që kemi parë deri tani.
Shpalosja e objektivave dhe nisja e proceseve të pastrimit të institucioneve nga të korruptuarit, tregojnë se gjërat po ndryshojnë për mirë.
Menjëherë pas largimit të Haki Çakos nga Drejtori i Policisë së Shtetit, ka nisur furtuna në institucionet e drejtësisë, si në prokurori e gjykata, por tashmë edhe në burgje, që nga sot do të kemi emra të rinj që do të komandojnë institucionet.
Muajit në vazhdim, të cilët janë përllogaritur të jenë muajt e “peshqve të mëdhenj” kanë vënë në lëvizje shumë institucione shtetërore.
Kohë më parë ishte vetë ambasadori amerikan Donald Lu, i cili numëroi rreth katër klane mafioze në Shqipëri dhe 20 grupe kriminale, që mbizotërojnë në hapësirën shqiptare, duke rritur aktivitetin e tyre kriminal përmes sundimt të forcës dhe jo të ligjit. Ai bëri thirrje që kjo histori duhet të marrë fund sa më shpejt, ndërsa ftoi shqiptarët që të jenë më aktiv duke dënuar krimin dhe kërkuar llogari ndaj pushtetarëve.
