Gjykata e Apelit ka lënë në burg përjetë Denis Shtrazën, i akuzuar për vrasjen e Gazmend Çollakut. Shtraza është shpallur fajtor për rrëmbimin dhe vrasjen e Gazmend Çollakut më 6 janar të 2016-ës, trupi i të cilit u gjet në Murqinë të Krujës.
I akuzuar për ngjarjen ka qenë edhe Ervin Dalipaj, i cili u ekzekutua në një atentat në 2017-ën.
Ja çfarë ka deklaruar Shtraza në korrik të 2017-ës
Shtraza ka mohuar por njëkohësisht ka dhënë edhe një alibi ku ka treguar se ka qenë në Tiranë, kur ka ndodhur vrasja.
“Nuk kam asnjë lidhje me vrasjen e Çollakut. Me atë jam njohur në burg, por s’kisha përplasje. Kur u plagosa në 2013, nuk kam fajësuar Çollakun”, ka thënë Denis Shtraza në seancë.
Ngjarja sipas policisë
“Më datë 06.01.2016, në lagjen Nr.1 në Durrës, 4 persona, 3 prej të cilëve me jelekë dhe mbishkrimin ”Policia”, kanë marrë me forcë duke e futur në mjetin e tyre tip “Audi A6” me ngjyrë të zezë shtetasin Gazment Çollaku, 34-vjeç, banues në Durrës.
Çollaku u gjet i vrarë me armë zjarri një ditë më pas, në fshatin Murqin, Krujë, i hedhur në rrugë dhe me gjymtyrë të lidhura.
