Deputet i Partisë Demokratike, Aldo Bumçi, ka theksuar se ministri i Jashtëm gjerman, Sigmar Gabriel, nuk ia ka idenë se çfarë po ndodh në Shqipëri.
Sipas Bumçit, ministri i Jashtëm gjerman nuk përmendi trafikun e drogës dhe kapjen e qeverisë nga krimi.
“Unë mund të them që ministri gjerman ishte i painformuar. Kjo mund të vijë nga fakti që ka pak javë që është në detyrë, pas lënies së detyrës nga ish-ministri i Jashtëm që u zgjodh president dhe ngarkesës së madhe që ka arena ndërkombëtare. Gjermania mban një peshë të madhe në ketë skenë të madhe, marrdhënia me Rusinë, Lindja e Mesme, kriza në Europë”, u shpreh Bumçi, në një intervistë për Ora News.
