Komuna e Bujanocit u vizitua për herë të parë pas luftës, nga një funksionar lokal i shtetit të Kosovës.
Kryetari i Komunës së Gjilanit, Lutfi Haziri, gjatë kësaj vizite historike, ditën e sotme, në Bujanoc është takuar me kryetarin e Komunës, Shaip Kamber, dhe kryetarin e Këshillit Kombëtar shqiptar, Jonuz Musliu.
Gjatë bisedimeve të bëra, në këtë trevë shqiptare, u diskutua rreth problemeve që shqetësojnë këtë komunitet dhe u dakordësua për shkëmbim më të shpeshtë të takimeve mes tyre.
