Ndeshja e fundit e Bufonit, dëshira për t’a mbyllur si i pamposhtur
Babë e bir, Xhixhi e ka fituar Kupën e Italisë me Enriko Kiezën, babanë e Federikos.
Nesër në mëngjes do të shohë vetën në pasqyrë dhe do të vërejë diçka. Imazhi do të jetë i njëjti si sot, megjithatë … ndonjë thinjë aty këtu, një rrudhë tek-tuk, ndonjë shenjë nga koha. Diçka do të ketë ndryshuar. Nesër Xhixhi Bufon do ta ketë luajtur ndeshjen e tij të fundit me fanellën e Juventusit. Ka shumë mundësi që Bufon të luajë sonte ndeshjen e fundit të jetës së tij dhe kjo gjë të bën përshtypje. Ky fakt i bën të gjithë të ndihen të vjetër. Xhixhi ka pritur që nga 1995-a, u largua një herë nga Juventusi dhe në fund të fundit, për të lamtumira e vërtetë ishte atëherë, në 2018-ën. Kjo do të jetë shtesa.
Xhixhi nuk është më fëmija që luante si mesfushor. Nuk është më as djaloshi që bënte shërbim vullnetar në një komunitet rehabilitimi dhe ndërkohë fitoi me Parmën ‘Kupën e Italisë 1999’ së bashku me Enriko Kiezën. Fakti që sonte mund të fitojë të njëjtin trofe me Federikon (nuk ka ndodhur kurrë) shpjegon gjithçka. Xhixhi nuk është më as njeriu që, dy ditë para finales së botërorit 2006, u tha shokëve të tij: “Do të vesh fanellën e verdhë (fanella e portierit) dhe do të ngre Kupën e Botës”. Tani ai është një 43-vjeçar që dëshiron të fitojë një Kupë Italie të fundit dhe ta përfundojë sezonin pa u mundur: kur luan ai, Juventusi ose fiton ose barazon./t.k/
