Banka e Shqipërisë, bën të ditur se norma e interesit të kredisë në lekë për muajin prill ka zbritur në 5.25% nga 6.97% që ishte në muajin mars të këtij viti.
Sipas BSH-së, për herë të parë, interesat e kredive në lekë janë të barabarta me ato në euro.
Rënia e interesave ka qenë e fortë për kreditë afatshkurtra, ku ato që duhen shlyer brenda 6 muajve deri në 1 vit kanë zbritur nga 6.71% në mars, në 3.89% në prill. Edhe huat deri në 6 muaj kishin interes 6.55%, nga 8.44% muajin e paraardhës.
Interesat e ulëta konsiderohen me ndikim të lartë faktor në kreditim, çka çon edhe në rritje të ekonomisë.
