Presidenti i Komisionit Evropian Jean-Claude Juncker në një intervistë për Euronews, ka komentuar ndikimin turn ë vendet e Ballkanit Perëndimorë, të cilat aspirojë për t’u bërë anëtare të BE-së.
Ai, është shprehur se Turqia ka një ndikim shumë të vogël, në vendet si Kosova, Shqipëria dhe Bosnja, duke thëne se vendet tona partnere po shikohen nga afër, lidhur me marrëdhëniet që ata po mbajnë me shtetin otoman.
Më tej, Presidenti i Komisionit Evropian, nuk ka dashur të komentojë lidhur me takimin mes tij dhe Presidentit të Turqisë Erdogan, që pritet të mbahet këtë muaj në Varna në Bullgari. Por, nga ana tjetër ai ka lënë të kuptohet se nëse ky takim do anulohet, do të vijë vetën për shkak të presidentit turk.
Le të flasim për ndikimin turk, sidomos kur bëhet fjalë për Kosovën, Shqipërinë dhe Bosnjën. A janë interesat e Erdoganit në përputhje me ato të BE-së?
Jean-Claude Juncker, Presidenti i Komisionit Evropian: Turqia luan një rol që është më i vogël se sa mendoni. Sidoqoftë, partnerët tanë e dinë se po i shikojmë nga afër.
A keni përshtypjen se nëse nuk u jepni partnerëve diçka së shpejti, ata do të kërkojnë mbështetje në Rusi dhe Turqi?
Jean-Claude Juncker, Presidenti i Komisionit Evropian: Ju e dini me siguri se nuk ka asnjë pikë në marrjen e një rruge ndryshe, sepse ka vetëm një.
Ke një tjetër takim me Turqinë në Varna në Bullgari, ku dëshiron të përmirësosh marrëdhëniet turko-evropiane. Takimi ka të bëjë për ndikimin turk në Ballkanin Perëndimor?
Jean-Claude Juncker, Presidenti i Komisionit Evropian: Në fund të marsit, ndoshta do të kemi një takim me Presidentin Erdogan në Varna. Atje duhet të diskutojmë tema të ndryshme që unë nuk dua të parashikoj këtu.
A është e mundur të anulohet samiti?
Jean-Claude Juncker, Presidenti i Komisionit Evropian: Deri më tani ai nuk e ka anuluar. TIRANA TODAY
