Luftanija më e madhe britanike u vendos për të mbajtur nën vëzhgim anijen ruse “Marshall Ustinov”, e cila po kthehej nga Mesdheu. Anija britanike “HMS St Albans” është aktualisht në “gatishmëri” të Marinës Mbretërore dhe ka për detyrë të mbrojë ujërat në Britani.
Kujtojmë se ky vëzhgim vjen pasi marrëdhëniet mes Britanisë dhe Rusisë janë të tensionuara që pas rastit Sergei Skripal. Por, këta dy shtete kanë një konflikt tjetër të hapur lidhur me përfshirjen e vazhdueshme të Vladimir Putinit në Siri, raporton Daily Star.
“Marshall Ustinov” më parë ishte gjurmuar nga anijet luftarake franceze përgjatë Gjirit të Biscay. “HMS St Albans” mori njoftimin nga anijet franceze dhe vazhdoi të monitorojë anijen e Putinit derisa ajo dhe ndihmëset e saj të largohen nga ujërat territoriale të Britanisë.
Komando John Cromie i HMS St Albans, tha:
“HMS St Albans ka qenë në gatishmëri për të përcjellë flotën ruse. Ne jemi gjithashtu në gatishmëri të lartë për t’iu përgjigjur çdo anije të huaj që mund jetë kërcënim potencial për ujërat e Mbretërisë së Bashkuar. Në këtë rast bashkëveprimi midis St Albans dhe Marshall Ustinov ka ecuar në mënyrë profesionale, duke iu reflektuar mirëkuptimin reciprok. Ekuipazhi im, megjithatë, është trajnuar për standardin më të lartë dhe është i përgatitur për t’iu përgjigjur çdo mundësie”.
Anijet e Putinit kalojnë rregullisht nëpër ujërat e Mbretërisë së Bashkuar ndërsa udhëtojnë për në bazat e tyre në rrafshin verior të Rusisë në Med ose Atlantik.
Anijet e Marinës Mbretërore janë shpesh në lëvizje për të kapur dhe shoqëruar ata, së bashku me anijet me kombeve të NATO-s, si Danimarka dhe Franca./TIRANA TODAY/
