Dalja e Britanisë nga Bashkimi Europian pritet të ndikojë edhe futbollin anglez. Brexit do të detyrojë klubet e Premier League-s që të diskutojnë uljen e numrit të lojtarëve të huaj.
Por, si do të funksionojë kjo?
Klubeve të Premier League-s u lejohet të kenë deri në 17 futbollistë të huaj, nga 25 lojtarë në total. Por, me planin e FA-së, numri do të ulet në 12. Si rrjedhojë, numri i lojtarëve vendas shkon në 13, pra rritet.
Klubet do të takohen të enjten dhe një përfaqësues për secilën prej 20 skuadrave do të diskutojnë edhe këtë temë, që pritet të sjellë ndryshim drastik në futbollin anglez.
