Persona ende të paidentifikuar kanë qëlluar me breshëri kallashnikovi, në drejtim të banesës së gazetes Klodiana Lala. Ngjarja ka ndodhur në orët e para të ditës.
Në ndërtesë janë parë shenjat e 10 plumbave. Pas sulmit të njoftuar, policia është drejtuar menjëherë për në vendin e ngjarjes, ndërsa plumbat kanë lënë shenjë kudo në banesë.
Mësohet se kur ka ndodhur sulmi, kanë qënë të pranishëm familjarët e saj. Të shtënat me armë janë dëgjuar rreth orës 3 të mëngjesit.
Deklarata e policisë
“Më datë 30.08.2018, rreth orëve të mëngjesit, në lagjen “Bruk”, në rrugën “Shkëndija” është qëlluar me armë zjarri në drejtim të pjesës së jashtme të banesës së shtetasit A. L., rreth 64-vjeç.
Nuk ka dëme në njerëz. Po punohet për sqarimin e rrethanave të ngjarjes, identifikimin dhe kapjen e autorit/ve”.
