Në të nxehtë, në të ftohtë, të sëmura apo të zëna ngushtë… asgjë nuk ka rëndësi. Ata janë të detyruar të shesin veten në rrugë. Dhe kërkesat nuk mungojnë: tregu i seksit nuk vuan nga kriza që ka kapluar zonën e Altomilanese në Itali. Por një shoqatë si shumë të tjera ka vendosur t’u vijë në ndihmë duke u ofruar këtyre vajzave ndihmë mjekësore. Duke marrë parasysh zonat e Legnano, Rhodense dhe Magentino, Dr. Gotti i shoqatës “Lule”, tregoi një “fytyrë” të prostitucionit: atë të viktimave të trafikimit. Vajzat që janë 20 apo më shumë vjeç dhe vijnë kryesisht nga Nigeria, Rumania, Shqipëria dhe Amerika e Jugut, të cilat shfrytëzohen seksualisht rrugëve të Italisë.
“Ata janë viktima dhe skllave të klientëve që janë të moshave të ndryshme, të çdo klase të shoqërisë, të arsimuar e të paarsimuar. Ne marrim parasysh se viktimat trajtohen si një mall që shitet në treg. Shfrytëzuesit mund të mbështeten nga një rrjet i qëndrueshëm në Itali: prostitucioni ka miliona klientë. Mund të themi se një në tre burra shkon herë pas here ose rregullisht me prostituta. Dhe racizmi nuk mungon as në këtë botë brutale: “një grua e bardhë – thotë doktori – vlen më shumë se një ngjyrë, e cila nuk kërkon më shumë se 15 euro për një akt të plotë”.
Në vitin 2017, 305 gra janë kontaktuar midis Legnano, Magentino dhe Rhodense. Dhe nga janari deri në maj 2018 u kontaktuan 168 të renja, përfshirë 74 nga Rumania, 44 nga Nigeria, 30 nga Amerika e Jugut, 10 nga Shqipëria dhe 9 nga Evropa Lindore.
“Nigerianet dhe prostitutat e kombësive të ndryshme shpesh mashtrohen. Tutorët i detyrojnë ata si fillim që të bien në dashuri. U premtojnë atyre se do t’u ofrojë një jetë përrallore, do të martohen me to e do të krijojnë familje. Pastaj i marrin ato në Itali, nëpërmjet ndërmjetësve lokalë dhe i detyrojnë ata të shesin veten, po flasim për organizatat kriminale. Nga ana tjetër ka njerëz që shkojnë për të bërë seks nga këta skllave, duke menduar se nuk po bëjnë asgjë të gabuar. Ata mendojnë se, në fund të fundit, nëse ata janë atje, ata e bëjnë këtë me kënaqësi. Por kjo sjellje është edhe më e tmerrshme”.
Dhe në këtë kontekst vullnetarët e shoqatës ‘Lule’ punojnë duke u ofruar këtyre vajzave një rrugëdalje. “Është një punë e vështirë: ne duhet të fitojmë besimin e këtyre të rejave të frikësuar. Një herë në javë i takojmë ata dhe përpiqemi të kuptojmë se si mund t’i ndihmojmë ata duke u ofruar atyre mundësinë për të hyrë në shërbimet shëndetësore”.
Shoqata Lule në këto ditë ka vendosur të përfshihet dhe të përballet me një aspekt tjetër të trafikimit: atë të shfrytëzimit të punës. Dr. Gotti mori pjesë në një takim me Jorge Torre, sekretar i CGIL Ticino Olona dhe Roberto Curati, zëvendës komandant i Policisë Lokale të Legnano, në të cilën “kemi krijuar bashkëpunim të ngushtë”. Në takim ishte gjithashtu i pranishëm edhe UNHCR (Agjencia e Kombeve të Bashkuara për Refugjatët): “Synimi ynë është që t’i nxjerrim nga kjo rrugë këtë vajza, që shiten dhe blihej, e më pas shfrytëzohen”, përfundoi në fjalën e tij doktori.
Burimi: rhonews.com
Përshtati: Tirana Today
