[ngg_images source=”galleries” container_ids=”262″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]Një nga figurat e rëndësishme të Partisë Demokratike, Majlinda Bregu njihet në skenën politike si një nga politikanet e së djathtës që ka shumë afrimitet me eksponentët socialistë, veçanërisht me njerëzit më të afërt të kryeministrit Rama dhe atë vetë.
Për këtë afri, ajo është kritikuar dhe akuzuar në mënyrë indirekte shpeshherë nga politikanë të Partisë Demokratike.
Madje disa syresh kritikat e saj drejtuar Lulzim Bashës mbi aksionin e tij politik të disa muajve më parë kur protestonte përpara Kryeministrisë i cilësonin si kritika që ‘‘çonin ujë në mullirin’’ e Ramës.
Megjithatë, Bregu nuk e ka kompleks ta shfaqë hapur këtë sjellje të saj politike në raport me kundërshtarët socialistë.
Një nga njerëzit që Bregu shoqërohet shpesh në disa mjedise është edhe ministrja në detyrë e Kulturës, Mirela Kumbaro.
Këtë radhë Bregun dhe Kumbaron i ka bashkuar ambasada amerikane në Tiranë.
Në kuadër të përvjetorit të pavarësisë së Shteteve të Bashkuara të Amerikës, ambasada ka zhvilluar një ceremoni të veçantë në Pallatin e Brigadave, ku kanë qenë të ftuar edhe figura të politikës shqiptare.
Në këtë ceremoni, e cila tashmë është kthyer në traditë, shihen Bregu dhe Kumbaro që bisedojnë midis tyre.
Hera e fundit, që Bregu është parë përkrah eksponentëve socialistë ishte më 6 maj, në qytetin e Gjirokastrës, kur celebrohej Dita e Evropës, eveniment që organizohej nën kujdesin e ministres së Kulturës, Mirela Kumbaro.
Asgjë e veçantë në dukje, por që shpesh opinioni ynë publik nuk arrin dot ta perceptojë sesi dy kundërshtarë në skenën politike të gjenden në një afrimitet të tillë, qoftë edhe në një ceremoni simbolike si kjo e ambasadës amerikane.
