Deputeti i PS Erion Braçe është shprehur mjaft i irrituar ditëne sotme pas ndeshjes mbrëmë ku Shqipëria arriti një fitore historike. Përmes një postimi në Twitter, Braçe kërkon dikë që të flasë për tre problematika që ai radhit, të cilat nisin nga stadiumi me kullë, te Silvinjo dhe fusha baltovinë e Air Albanias.
“ORE DO FLAS KUSH SOT? 1. Per kullen e stadiumit; 2. Qe Edi Rama emeron gjithcka ne kete vend, edhe kete Silvinjon; 3. Per fushen e stadiumit qe edhe ne diell eshte nje baltovine qe djemte e kuq se meritojnë”, shkruan Braçe në Twitter duke mos e fshehur irritimin.
Duket se Braçe ka guxuar shumë me këtë status ndaj kryeminsitrit Rama, në një kohë kur të gjithë përreth përpiqen ta lavdërojnë ose t’i shmangen, megjithatë fakt është se fusha e Air Albania është skandaloze, po aq sa edhe kulla mbi stadium. Për emërimët dhe vendimet që i merr vetëm Rama, shpesh voton edhe vetë Braçe me kartonin në Kuvend.
