Aleksandër Moisiu është aktori me origjinë shqiptare, i cili ndërroi jetë në moshën 56-vjeçare, në Vienë të Austrisë më 1935.
Moisiu mbetet një nga figurat më të rëndësishme të kombit shqiptar, pasi ishte një ndër aktorët që përmblidhte të gjithë spektrin e literaturës evropiane të teatrit, duke filluar që nga tragjedia antike greke e deri te koha moderne.
Sot ka dalë në shtyp libri me biografi të aktorit të madh, i cili vjen si projekt i përbashkët i Qendrës Multimedia në Prishtinë, Shtëpisë Botuese PA dhe Tradukit.
Moisiu lindi më 2 prill 1879 në Trieste të Italisë, ndërsa pak kohë para vdekjes së tij, Moisiu kërkoi shtetësinë e Shqipërisë si dhe atë të Italisë. Shqipëria e refuzoi këtë kërkesë, kurse Italia ia dha shtetësinë Moisiut, kur ai ishte i shtrirë në shtratin e vdekjes.
Disa nga interpretimet më të njohura të Aleksandër Moisiut ishin interpretimet e Hamletit, të Edipit, të Jedermann dhe të Fedja në veprën e Leon Tolstoit “Kufoma e gjallë”. Gjithashtu, ai luajti edhe rolet kryesore në premierat e pjesëve teatrale të Hauptmann-it (“Der weiße Heiland“), të Wedekind-it (“Frühlings Erwachen”) dhe të Hofmannsthal-it (“Jedermann”).
Në vitin 1920 ishte i pari që në Lojërat Festive të Salzburgut (Salzburger Festspiele) ku luajti rolin kryesor në “Jedermann”.
