Braziliani Malcom është emri më i diskutuar në merkaton e verës. Fillimisht ishte Interi që e kërkoi me ngul, por më pas futet në garë Roma dhe arrin një akord total me klubin dhe lojtarin, për rreth 38 milionë euro. Kur pritej që Malcolm të merrte avionin drejt Romës, një ofertë gjigante ka ardhur nga Barcelona dhe gjithçka ka ndryshuar.
50 milionë eurot e katalanasve kanë bërë që Bordeaux të prishë marrëveshjen me Roman për ta dërguar futbollistin në Spanjë. Ky operacion në sekondat e fundit ka ardhur si pasojë e refuzimit së katërt që Chelsea i bëri Barcelonës për brazilianin Willian. Oferta e katërt edhe e fundit e katalanasve për brazilianin ishte 70 milionë euro, por “blutë” kërkuan 85 milionë euro dhe marrëveshja dështoi.
Të hënën, Malcom pritej në Romë, por në orët e fundit të mbrëmjes erdhi oferta e Barcelonës. Bordeaux i kërkoj falje publike Romës për shkeljen e fjalës së dhënë, por u ndikua nga dëshira e futbollistit që zgjidhi “Camp Nou”, përpara “Olimpico”.
21-vjeçari Malcom, që mund të luajë në të dyja krahët e sulmit, ka luajtur 84 ndeshje zyrtare me Bordonë dhe ka shënuan 20 gola, teksa ka dhënë edhe 13 asiste.
