Milani ka arritur të marrë fitoren e parë në drejtimin e trajnerit të ri Gattuso. Këtë fitore e ka marrë në një ndeshje mjaft të vuajtur në “San Siro” përballë Bolognas, me anë të dy golëshit të Bonaventurës. Një fitore që rikthen moralin tek kuqezinjtë që prej disa javësh nuk po arrinin të dinin me fitore nga fusha. Me këtë fitore Milani shkon në kuotën e 24 pikëve në vendin e shtatë.
Ndeshja filloi në ritme të larta për Milanin që po sulmonte nga të gjitha anët dhe në minutën e 10’ gjen golin e parë, falë një stopimi mjaft të mirë të Kalinic për Bonaventurën i cili nuk gabon në goditje dhe e dërgon topin në rrjetë.
Reagimi i miqve vjen menjëherë duke marrë në kontroll lojën dhe duke sulmuar me Palcion dhe Destron. Ky i fundit bën një depërtim mjaft të mirë në të majtë dhe pason për Verdin në qendër ku ky i fundit me një goditje mjaft të bukur e dërgon topin në rrjetë. Milani nuk arrinë të organizohet de tëshën0ojë në pjesën e parë, pasi Bologna mbrohet mjaft mirë. Në të dytën loja është më e hapur dhe të dy ekipet kërkojnë të shënojnë golin e fitores. Është sërish Bonaventura që nderon Milanin në minutën e 76, ku pas një krosimi të Borinit fiton duelin me mbrojtjen dhe e dërgon topin në rrjetë. Bologna mundohet të reagojë por i ndal traversa dhe më pas Milan mbyll çdo hapësirë mbrapa për të mbrojtur rezultatin.
Villareal 0-2 Barcelona
Villareal bën një paraqitje mjaft të mirë përballë Barcelonës, por bien në fund pas ndëshkimit me karton të kuq të Raba. Duke përfituar nga epërsia numerike katalanasit shënojnë dy herë në fundin e takimit me Suarez dhe Messin. Një fitore mjaft e rëndësishme për të ruajtur vendin e parë dhe distancën me ndjekësit të cilët nuk gabuan në ndeshjet e kësaj jave. Barcelona mbetet në vendin e parë me 39 pikë.
Pas një pjese të parë të balancuar, ku Villareal po bënte një paraqitje mjaft të mirë dhe nuk lë hapësira mbrapa por sulmon dhe mjaft mirë. Në të dytën ruhen të njëjtat ritme deri në minutën e 60’, ku Raba ndëshkohet me karton të kuq dhe balancat prishen. Më pas Barcelona merr frenat e ojës dhe gjen golin e parë me Suarez në minutën e 76’, për tu Pasuar nga Messi në 83’-ën. Villareal u përpoq që të ruante ritmin edhe me një lojtarë pak,por kur ke përballë Barcelonën ai karton i kuq bën shumë diferencë.
