Një automjet është djegur në pas mesnatës pranë Konsullatës së Përgjithshme të Shqipërisë në Greqi. Sipas mediave greke makina ka shpërthyer me bombë artizanale, në kohën që ishte e parkuar para Konsullatës, në rrugën Psara në Touba, Selanik.
Ngjarja është shënuar rreth orës 02:30, ndërsa nga zjarri është shkatërruar automjeti.
Pas alarmit ne vend mbërritën 8 zjarrfikës me 2 automjete që shuan flaket. Policia ka nisur hetimet për zbardhjen e ngjarjes.
