E ardhmja e Neymar është akoma në diskutim që pas dëmtimit që mori në sfidën me Marseille dhe u detyrua të mbyllte kampionatin. Flitet shumë për një kalim tek gjiganti spanjoll Real Madrid, por së fundmi ekziston dhe hipoteza e një rikthimi tek Barcelona.
Së fundmi ylli brazilian ka lëshuar një sinjal të fortë për një rikthim të mundshëm tek katalanasit. Neymar është takuar me mikun e tij Lionel Messin me të cilin sipas “Goal.com” po planifikojnë rikthimin e mundshëm të tij drejt “Camp Nou”.
Ishte vetë Neymar i cili dha një mesazh enigmatik duke ngritur shumë dyshime se për çfarë bashkimi bëhet fjalë. “Kur unë dhe shoku im #LeoMessi bashkohemi ndodhin gjëra të mëdha! Ju thashë më shumë se ç’duhet! Qëndroni të informuar!”, shkroi Neymar në “Twitter”.
Kujtojmë që Neymar ndodhet në Brazil duke u përgatitur për rikthimin e tij pas dëmtimit që e detyroi të operohet. Paris Saint Germain pagoi klauzolën e lirimit të lojtarit me vlerë 222 milionë euro duke bërë në këtë mënyrë blerjen më të shtrenjtë në historinë e futbollit.
