Nga Flamur Vezaj/ Gjykata Administrative e gjen për të shumtën herë në paligjshmëri Prokuroren e Përgjithshme të Përkohshme Arta Marku!
Këtë radhë, janë dy vendimet për transferimin e paligjshëm që PPP Marku ka bërë për prokurorët Besim Hajdarmataj e Olsian Çela!
Transferimi i tyre u cilësua i paligjshëm, ashtu siç ndodhi edhe me prokuroren Sonila Muhametaj për të cilën Prokurorja e Përgjithshme e Përkohshme reflektoi duke e kthyer në Tiranë!
Të tre këto prokurorë, Marku i transferoi përveç se në kundërshtim me ligjin por edhe duke mashtruar, me pretendimin se nuk donin të merrnin në administrim dosjen e “Shullazit”!
Ata kundërshtuan procedurën që PPP Marku me shoqen e saj Donika Prela po ndiqnin, për caktimin e prokurorëve!
Dhe në fund përsëri PPP Marku dhe Prela ndoqën arsyetimin që kishin tre prokurorët që ajo për show i transferoi!
Kjo paligjshmëri e saj, e përsëritur tashmë dhe e gjetur në disa raste dhe nga Gjykata Administrative në vend, duhet të bëhet shkak që të kërkohet shkarkimi i saj nga anëtarët e Këshillit të Lartë të Prokurorisë!
Ky këshilli duhet të shqyrtoj, në mbledhjen e radhës, vendimet e Gjykatës Administrative që gjetën në shkelje PPP Markun si dhe për shkak se komandimi i tre prokuroreve tashme ka mbushur afatin 3 mujor dhe anëtarët e KLP-së duhet të shprehen patjetër!
E nëse anëtarët e KLP-së votojnë në favor të tre prokurorëve, nuk ka asnjë procedurë ligjore që këta anëtarë të iniciojnë shkarkimin e saj, e jo më të lejojnë qe ajo të përsërisë kandidimin për Prokurore të Përgjithshme jo të përkohshme, që është edhe synimi i saj!
Të gjitha veprimet e saj, që me ardhje në krye të këtij institucioni, kanë treguar paaftësinë e saj profesionale për të udhëhequr atë institucion!
