Sportistët me origjinë shqiptare që jetojnë dhe veprojnë jashtë shteteve shqiptare, po tregojnë rezultate të mira duke arritur suksese në disiplinat sportive. Një tjetër sportist që po arrin rezultate është edhe boksieri 27 vjeçar Kamer Maloku, me origjinë nga Vushtria e Kosovë, që jeton në Gjermani.
Maloku thotë se po punoj shumë të rris rezultat, ai jeton në Karlsruhe të Gjermanisë. “Unë jetoj në Gjermani dhe deri më tani kam pasur 8 meçe në boksin profesionist që të gjitha i kam pasur fitore. Nuk do të ndalem me kaq”, tha Maloku për RTK. Maloku ka bërë të ditur se është duke punuar që meçet e ardhshme të boksojë për titullin e kampionatit evropian.
Agjencia e Boksit Profesionist Shqiptarë, AlbanianBoxing.com njofton se kemi një numër te madh boksierësh profesionistë Shqiptarë, disa nga ata janë : Elvir Muriqi, Nuri Seferi, Luan Krasniqi, Sefer Seferi, Haxhi Krasniqi, Petrit Dobroshi, Faruk Shabani, Ervis Jegeni, Kreshnik Qato, Shpetim Shala, Kadri Xhulaj, Suat Laze, Fatjon Murati, Gjetan Keta, Bujar Sejdiu, Selajdin Hoxha etj.
