Pas bojkotit të Kuvendit, deputetët e opozitës duket se ‘luftën’ ndaj qeverisë kanë ndërmend ta bëjnë vetëm nëpërmjet rrjeteve sociale.
Por, çfarë bëjnë deputetët ndërkohë që kanë bojkotuar punimet e Kuvendit? Deputetet demokratë duket se tashmë bisedat politike i zhvillojnë ulur në restorantet e kryeqytetit, duke drekuar me njëri-tjetrin, sigurisht shoqëruar me ndonjë gotë verë apo raki.
Në fotot e publikuara nga ish-ministri Eduart Halimi, shfaqen po ashtu deputetët Edi Paloka, Flamur Noka, Florion Mima, Isuf Çela.
Veç debateve për politikën e ditës, deputetët kanë dëgjuar dhe performancën me kitarë të deputetit Florion Mima.
Eduard Halimi “braktisi” mandatin e deputetit për të hapur një studio ligjore në Tiranë.
“Nuk mund të vendosim kush do jenë fëmijët, vëllezërit apo fqinjët…por mund te vendosim kush do jenë miqtë tanë me të cilët duam të rrimë dhe shkëmbejmë energji pozitive..
Me Edin, Florin, Aldon, Flamurin dhe Isufin, miqtë e mi të mirë”, shkruan Halimi.
