Mesditën e sotme, krahas protestës së opozitarëve, bëri bujë në media edhe një tjetër protestë në Shkodër, ku një fermer bllokoi rrugën me një tufë bagëtish.
Ky bllokim i rrugëve nga fermeri, Lush Lushi, u cilësua si një protestë e një demokrati, i cili kishte zgjedhur një mënyrë të veçantë për t’iu bashkuar protestës së opozitës.
Por, në fakt e vërteta është ndryshe. 62-vjeçari është ndaluar nga policia, së cilës i ka rrëfyer se arsyeja e bllokimit të rrugëve është për të protestuar ndaj Drejtorisë së Bujqësisë në Shkodër, me pretendimin se kjo e fundit i kishte vjedhur subvencionet për bagëtitë.
