Thuajse të gjitha rrugët në kryeqytet janë të bllokuar. Studentët janë shpërndarë në disa pika të rëndësishme të Tiranës. Ata nuk lejojnë kalimin e makinave, duke bllokuar qarkullimin në të gjithë kryeqytetin.
Gjithashtu shkak i bllokimit të rrugëve janë bërë dhe reshjet e shiut, por mori i keq nuk ka zmbrapsur aspak studentët që vijojnë në mbajnë të bllokuar rrugët.
Bllokimi i rragëve kryesore ka detyruar shoferët që të zgjedhin rrugë dytësore. Por thuajse të gjithë kanë mbetur në trafik sepse një pjesë e mirë kanë menduar të njëjtën gjë, të zgjedhin rrugë dytësore por janë zënë në “çark”. Në këto rrugë dytësore është bërë kaos.
Dhjetëra studentë kanë bllokuar rrethrrotullimin e Zogut të Zi që prej orës 15:00. Të tjerë kanë bllukuar kryqëzime të tjera të Tiranës. Protesta është mbështetur edhe nga qytetarët.
Studentët protestojnë prej 13 ditësh për plotësimin e 8 kërkesave nga ana e qeverisë. Studentët refuzojnë të hyjnë në bisedime me kryeministrin Rama. Nga ana e tij, kreu i qeverisë pavarësisht se thotë se i pranon kërkesat, kërkon dialog me studentët. TIRANA TODAY
